"Chelsi" "Brayton"ning chap qanot himoyachisi Mark Kukurellyani 50 million funtga sotib olishga yaqin turibdi.
Tomas Tuxelga futbolchining o‘yinlari yoqadi. Tuxel Ben Chiluellga chap qanotda kuchli raqib bo‘lishini xohlaydi. Qolaversa, potensial yangi futbolchidan chap markaziy himoyachi sifatida foydalanish mumkin, deb yozadi The Guardian.
"Chelsi" Kukurellyani "Xetafe"da o‘ynaganidan beri diqqat bilan kuzatib kelmoqda. Hozir klub muzokaralar muvaffaqiyatli yakunlanishiga umid qilmoqda. Kukurellya o‘zi rivojlanib, sovrinlar uchun kurasha oladigan jamoada o‘ynashni xohlaydi.
"Brayton" himoyaning markazida ham, chap qanotida ham o‘ynay oladigan ispaniyalik 19 yoshli Levi Koluillni shartnomaga kiritishni so‘rashi mumkin. U o‘tgan mavsumda "Xaddersfild"da ijara asosida o‘ynadi.
Agar "Chelsi" va "Brayton"ning Kukurellya borasidagi muzokaralar muvaffaqiyatli yakunlansa, London klubi Ispaniyaga qaytmoqchi bo‘lgan Markos Alonsoni "Barselona"ga qo‘yib yuboradi.
Sezar Aspilikuetaning kelajagi "Chelsi" Andreas Kristensen va Antonio Ryudiger ketganidan keyin yana bir markaziy himoyachi bilan shartnoma imzolashiga bog‘liq. Bu yozda London klubi Kalidu Kulibalini sotib oldi, ammo Jyul Kunde, Natan Akke va Matteys de Ligtlar uchun kurashda mag‘lub bo‘ldi.
"Chelsi" 21 yoshli himoyachi Uesli Fofanaga qiziqmoqda, biroq "Lester" 85 million funt sterlingga taklif qilishsa, uni sotishga tayyor. Londonliklar shuningdek, “Leypsig” himoyachisi Yoshko Gvardiol va “Inter” vakili Denzel Dyumfriyeslarni ham nishonga olishgan.
