"Manchester Siti"ning argentinalik hujumchisi Nauel Bustos "San-Paulu"ga o‘tadi, deya xabar beradi jurnalist Nikolo Skira Tvitterda.
Manbaga ko‘ra, Braziliya klubi futbolchini keyinroq sotib olish imkoniyati bilan 2023 yilning yoziga qadar ijaraga beradi. O‘tgan mavsumda hujumchi "Jirona"da ijara asosida o‘ynab, 45 ta o‘yinda maydonga tushib, 11 ta gol urdi va 2 ta golli uzatmani amalga oshirdi.
24 yoshli Bustos 2020 yilda "Talyeres"dan 6,5 million yevro evaziga "Manchester Siti"ga o‘tgandi, ammo "shaharliklar" safida biror marta ham maydonga tushmagan.