Angliya Premyer-ligasi (APL) rahbari Richard Mastersning aytishicha, liga tomoshabinlarga hakamlar va VAR o‘rtasidagi muloqotlar ovozidan foydalanish imkoniyatini taqdim etishni rejalashtirmoqda. Uning so‘zlariga ko‘ra, bu g‘oya keng qo‘llab-quvvatlangan.
"Bu yaxshi narsa ekanligi haqida umumiy kelishuv bor. Premyer-liga hakamlar tomonidan qaror qabul qilishda xalq uchun ochiqroq bo‘lishni xohlaydi. Biz muxlislarga qarorlar qanday qabul qilinishini ko‘rsatmoqchimiz” - dedi Mastert The Times bilan suhbatda.
Premyer-liga hakamlar bilan muzokaralarining nashr etilishi qabul qilingan qarorlarning shaffofligini oshirishini kutmoqda. Muzokaralarni to‘g‘ridan-to‘g‘ri translyasiya qilishga hozircha ruxsat berilmagani bois, yozuvlarni faqat o‘yinlardan so‘ng joylashtirish rejalashtirilgan.
Eslatib o‘tamiz, MLSning hakamlar departamentida ishlagan sobiq angliyalik hakam Xovard Uebb yaqin vaqt ichida Premyer-ligada xuddi shunday lavozimda Maykl Raylini o‘rnini egallaydi.
