Англия Премьер-лигаси (АПЛ) раҳбари Ричард Мастерснинг айтишича, лига томошабинларга ҳакамлар ва ВАР ўртасидаги мулоқотлар овозидан фойдаланиш имкониятини тақдим этишни режалаштирмоқда. Унинг сўзларига кўра, бу ғоя кенг қўллаб-қувватланган.
"Бу яхши нарса эканлиги ҳақида умумий келишув бор. Премьер-лига ҳакамлар томонидан қарор қабул қилишда халқ учун очиқроқ бўлишни хоҳлайди. Биз мухлисларга қарорлар қандай қабул қилинишини кўрсатмоқчимиз” - деди Мастерт The Times билан суҳбатда.
Премьер-лига ҳакамлар билан музокараларининг нашр этилиши қабул қилинган қарорларнинг шаффофлигини оширишини кутмоқда. Музокараларни тўғридан-тўғри трансляция қилишга ҳозирча рухсат берилмагани боис, ёзувларни фақат ўйинлардан сўнг жойлаштириш режалаштирилган.
Эслатиб ўтамиз, МЛСнинг ҳакамлар департаментида ишлаган собиқ англиялик ҳакам Ховард Уэбб яқин вақт ичида Премьер-лигада худди шундай лавозимда Майкл Райлини ўрнини эгаллайди.
