Angliya Superkubogi uchun kechgan “Liverpul” – “Manchester Siti” uchrashuvi (3:1) bu ikki kuch APLda ustunlik qilayotganini yana bir bor eslatdi. Va, albatta, ular o‘rtasida yangi chempionlik unvoni o‘ynaladi. Ko‘pchilik allaqachon intrigani intizorlik bilan kutmoqda. Ularning raqobati qarama-qarshilikning yangi standartini o‘rnatdi. "Siti" so‘nggi besh mavsumda to‘rtta chempionlikni qo‘lga kiritdi, "Liverpul" esa bitta chempionlikka ega chiqdi. Yangi mavsum oldidan esa har ikki jamoa ham yanada kuchaydi.
Vaholanki, “Liverpul” va “Manchester Siti” qolgan barcha jamoalardan ustun bo‘lsa ham, raqobatga ko‘z yummaslik kerak. Keling, nazariy jihatdan yana kim bu juftlikka qarshi kurashishga qodirligini ko‘rib chiqamiz.
"Chelsi" (o‘tgan mavsumda 3-o‘rin)
Kelganlar: Sterling (50 million funt), Kulibali (33 million funt).
Jamoadan ketganlar: Ryudiger (Erkin agent), Kristensen (Erkin agent), Drinkuoter (Erkin agent), Lukaku (ijara).
"Chelsi"da sezilarli o‘zgarishlar ro‘y berdi: Roman Abramovichning ancha muvaffaqiyatli davri tugadi. Tarkibiy o‘zgarishlar esa e’tibordan chetda qolmaydi. Shu bilan birga, "Chelsi" o‘z xaridlari bilan qayta qurish va tanaffusga vaqt sarflamasliklarini ko‘rsatdi. “Ko‘k-anorranglilar” top-klub darajasida qolishni istaydi, shu bois yo‘qotishlarni o‘sha toifadagi yangilar bilan qoplashga majbur.
Tuxel o‘yin sxemasini qayta tiklashi kerak bo‘ladi. U Havers, Verner, Sterling va Pulishich kabi hujumkorlardan birini markazda o‘ynatishi kerak. Ryudigerning o‘rnini to‘g‘ridan-to‘g‘ri Kulibali egalladi. Biroq, har holda, bunday tarkib bilan APL chempionligini «shaharliklar” yoki “Liverpul”dan olib qo‘yishi ancha qiyin.
Tottenxem Hotspur (o‘tgan mavsumda 4-o‘rin)
Kelganlar: Perishich (Erkin agent), Forster (Erkin agent), Bissuma (35 million funt), Risharlison (60 million funt), Langle (ijara), Spens (20 million funt).
Jamoadan ketganlar: Bergvayn (26 million funt), Klark (10 million funt).
O‘tgan mavsumni yomon boshlagan "shporlar" o‘z obro‘sini tiklab, to‘rtinchi o‘ringa chiqib olishdi. Va endi ular yanada yuqoriga ko‘tarilishga harakat qilishadi. Har holda, transfer va mavsumoldi o‘yinlari, taktik tayyorgarlik resurslarni boy bermagan, hatto barcha chiziqlarni kuchaytirgan "Tottenxem"ning niyatlari jiddiyligidan dalolat beradi.
Endi "shporlar" qiyin o‘yinlarni yengib o‘tishga imkon beruvchi kuchli tarkibga ega. Perishichning "Inter"dan tekinga qo‘shilishi muvaffaqiyat bo‘lib, Bergveynning yo‘qligini sezdirmaydi. Risharlison esa hujumga kuch va rang-baranglik qo‘shadi, Bissuma esa maydon markazidagi pozisiyasini mustahkamlaydi.
Qolaversa, Keyn atrofida o‘tgan mavsumdagiga o‘xshash tayyorgarlikni va uning rejalarini buzgan hech qanday mish-mishlar yo‘q. Endi "Tottenxem" ham o‘yin, ham psixologik, ham kadrlar nuqtai nazaridan juda kuchli ko‘rinmoqda. Biz undan ikkita favorit uchun muammo kutishimiz mumkin, ammo hamma narsa barqarorlikga bog‘liq.
“Arsenal” (o‘tgan mavsumda 5-o‘rin)
Kelganlar: Markinyos (3 million funt), Viyeyra (30 million funt), Tyorner (8 million funt), Jesus (45 million funt), Zinchenko (30 million funt).
Jamoadan ketganlar: Lyakazett (Erkin agent), Genduzi (9 million funt).
"Arsenal" o‘tgan mavsumda "Tottenxem"ga to‘rtinchi o‘rin uchun kurashda yengilib, muxlislarining hafsalasi pir qildi. Tarkibni shakllantirish, futbolchilarning jamoaga munosabati borasida ko‘plab savollar tug‘ildi. Hamma narsa parchalanib ketganday tuyuldi. Biroq, bu safargi mavsum oldi ajoyib taassurot qoldirdi. "Arsenal" "Chelsi" va "Sevilya"ni mag‘lub etib, nafaqat ajoyib o‘yin ko‘rsatdi, balki jamoadagi ajoyib muhit, jangovar ruh bilan ham ishlagani ma’lum bo‘ldi.
Qolaversa, "kanonirlar" barcha zaif pozisiyalarni ancha yaxshi kuchaytirib, ozmi-ko‘pmi izchil transfer amalga oshirishga muvaffaq bo‘lishdi. Jesusning “Manchester Siti”dan kelishi odatda ko‘pchilik tomonidan sensasiya va “kanonirlar” uchun katta muvaffaqiyat sifatida qabul qilindi. "Arsenal" o‘tgan mavsumda ligadagi eng yosh jamoa bo‘ldi. Endi kompozisiya yanada muvozanatli bo‘lishi kerak. Garchi yosh futbolchilarga nisbatan tarafkashlik hali ham saqlanib qoladi. Biroq, yil davomida ular tajribali va yoshi kattaroq bo‘lishadi. Bu yili chempionlik uchun davogarga kerak bo‘lgan barqarorlik hozircha "Arsenal" uchun yetarli bo‘lishi dargumon.
"Manchester Yunayted" (o‘tgan mavsumda 6-o‘rin)
Kelganlar: Malasiya (13 million funt), Eriksen (Erkin agent), Lisandro Martines (55 million funt).
Jamoadan ketganlar: Din Xenderson (ijara), Kavani (erkin agent), Mata (erkin agent), Pogba (erkin agent), Lingard (erkin agent), Matich (erkin agent), Pereyra (10 million funt).
Joriy mavsum “Manchester Yunayted” oxirgi marta APLda g‘olib chiqqaniga o‘n yil to‘ldi. Uning sobiq hukmronligidan asar ham yo‘q edi – faqat yaxshi xotiralar. Gigantning buyukligini oshirish endi "Yunayted"ning yangi o‘yiniga rahbarlik qiladigan Erik ten Xagga ishonib topshirildi. Aleks Fergyuson ketganidan keyin turli murabbiylar tomonidan qancha urinishlar bo‘ldi. Turli bosqichlarda ularning istiqbollari juda o‘zgarib turardi, ularning usullari va maqomi juda boshqacha edi, ammo natija odatda bir xil – ko‘ngildagidek yakunlanmagan mavsum.
O‘tgan mavsumda manchesterliklar to‘plangan ochkolar bo‘yicha antirekord o‘rnatib, oltinchi o‘rinni egalladi. Bu mavsum Eriksenning jamoaga kelishi yaxshi belgi sifatida qabul qilish mumkin, ammo jamoa ichidagi vaziyat bo‘yicha haligacha hal etilmagan muammolar ko‘p. O‘tgan mavsum antiqahramoni Maguayr qanday holatda? Kelajaklari sir bo‘lib qolgan Ronaldu bilan nima qilish kerak? Savollar ko‘p va mavsum boshlanishiga qadar ularni hal qilib bo‘lmaydi.
