"Chelsi" va Fransiya terma jamoasining sobiq himoyachisi Frank Lebyof "Manchester Yunayted"ning "Rayo Valyekano"ga (1:1) qarshi o‘rtoqlik uchrashuvi vaqtida "Manchester Yunayted" hujumchisi Krishtianu Ronalduning "Old Trafford"ni muddatidan oldin tark etishiga izoh berdi. Eslatib o‘tamiz, Ronalduning o‘zi birinchi bo‘limdan keyin zaxiraga olingandi va o‘yin yakunlanishiga kutmasdan ketib qolgani aytilgandi.
Lebyofning so‘zlariga ko‘ra, bunday xatti-harakati portugaliyalik taniqli hujumchi uchun yarishmaydi.
"Menimcha, bu noto‘g‘ri. Bu noprofessionallik. Men uni hurmat qilaman, lekin uning hatti-harakati klubga nisbatan hurmatsizlikdir", - dedi Lebyof ESPN bilan suhbatda.
Avvalroq Ronalduning agenti Jorje Mendesh mijozi uchun yangi klub qidirayotgani haqida xabar berilgandi. Hujumchini qo‘lga kiritish uchun asosiy favoritlar qatorida "Napoli" va "Atletiko" klublari bor.
37 yoshli forvard o‘tgan mavsumda “Manchester Yunayted” safida 37 ta o‘yinda maydonga tushib, 24 ta gol urdi va 3 ta golga assistentlik qildi.
