"Челси" ва Франция терма жамоасининг собиқ ҳимоячиси Франк Лебёф "Манчестер Юнайтед"нинг "Райо Вальекано"га (1:1) қарши ўртоқлик учрашуви вақтида "Манчестер Юнайтед" ҳужумчиси Криштиану Роналдунинг "Олд Траффорд"ни муддатидан олдин тарк этишига изоҳ берди. Эслатиб ўтамиз, Роналдунинг ўзи биринчи бўлимдан кейин захирага олинганди ва ўйин якунланишига кутмасдан кетиб қолгани айтилганди.
Лебёфнинг сўзларига кўра, бундай хатти-ҳаракати португалиялик таниқли ҳужумчи учун яришмайди.
"Менимча, бу нотўғри. Бу нопрофессионаллик. Мен уни ҳурмат қиламан, лекин унинг ҳатти-ҳаракати клубга нисбатан ҳурматсизликдир", - деди Лебёф ESPN билан суҳбатда.
Аввалроқ Роналдунинг агенти Жорже Мендеш мижози учун янги клуб қидираётгани ҳақида хабар берилганди. Ҳужумчини қўлга киритиш учун асосий фаворитлар қаторида "Наполи" ва "Атлетико" клублари бор.
37 ёшли форвард ўтган мавсумда “Манчестер Юнайтед” сафида 37 та ўйинда майдонга тушиб, 24 та гол урди ва 3 та голга ассистентлик қилди.
