"Monako" klubi "Chelsi" bilan himoyachi Malang Sarrning transferi bo‘yicha muzokaralarni boshladi, deb xabar bermoqda GOAL portali.
Manbaga ko‘ra, klublar 23 yoshli futbolchini sotib olish opsiyasi bilan ijaraga olish borasida muzokaralar olib borishmoqda. Bitim dastlabki bosqichda.
Avvalroq “Chelsi” Sarrning “Fulxem”ga o‘tishiga to‘sqinlik qilgandi.
O‘tgan mavsumda fransiyalik futbolchi “Chelsi” safida barcha musobaqalarda 22 ta o‘yinda maydonga tushdi va samarali harakatlarni amalga oshirmadi. Himoyachining klub bilan shartnomasi 2025 yilning yoziga qadar mo‘ljallangan.
