Kechadan O‘zbekiston Coca Cola superligasida 2-davra o‘yinlariga start berildi. Bundan biroz oldin Yaypandagi “O‘zbekiston” stadionida “Qo‘qon-1912” hamda “Neftchi” jamoalari o‘rtasidagi Farg‘ona “derbi”si bo‘lib o‘tdi.
Uchrashuv kutilganidek haqiqiy “derbi”ga xos va mos tarzda shiddatli tarzda bo‘lib o‘tdi. Har ikki jamoaga bu o‘yinda qo‘lga kiritiladigan g‘alaba suv va havodek zarur edi. Har ikki jamoa bosh murabbiylari uchun bu o‘yin debyut o‘yini bo‘lganligi ham alohida ahamiyat kasb etdi. Sababi Davron Fayziyev ham Vitaliy Levchenko ham o‘z debyutlarida g‘alaba qozonishni juda ham xohlashgani aniq.
Uchrashuv shiddatli ravishda tus oldi. 2-daqiqada Bilolxon Toshmirzayevning zarbasi biroz noaniq bo‘ldi. 9-daqiqada hakam qo‘qonliklar darvozasi tomon penalti belgiladi. 10-daqiqada Shahzodbek Ubaydullayev penaltini aniq amalga oshirib hisobni ochdi. 16-daqiqada “Neftchi” futbolchisi Abbos G‘ulomov, raqib futbolchisiga nisbatan o‘ta qo‘pol o‘ynaganligi sababli maydondan chetlatildi.35-daqiqada Shohnazar Norbekov hisobni tenglashtirishi mumkin edi. Unga kuchli zarba yo‘llashi uchun himoyachilar xalaqit qilib qolishdi va uning zarbasi kuchsiz chiqdi.
O‘yinning ikkinchi bo‘limini har kiiki jamoalar tarkibda o‘zgarishlar bilan boshlashdi. 51-daqiqada Oybek Rustamovning "pushka" zarbasini raqib darvozaboni katta qiyinchilik bilan maydon tashqarisiga chiqarib yubordi. 55-daqiqada Anvarjon Hojimirzayevning olis masofadan yo‘llagan zarbasini raqib darvozaboni ushlab olishda xatoga yo‘l qo‘ydi va o‘yinda hisob tenglashdi. Goldan ruhlangan nominal mezbonlar yanada shiddatni oshirishdi. 57-daqiqada Andrey Sidorov qo‘qonliklarni hisobda oldinga olib chiqdi.
Hisobda oldinga chiqqan "Qo‘qon-1912" biroz xotirjamlikka berildi. Natijada 76-daqiqada Lutfulla To‘rayev hisobni tenglashtirgan bo‘lsa, oradan 3 daqiqa o‘tib Sunnatilol Abdullajonov farg‘onaliklarni oldinga olib chiqdi. O‘yin tugashiga 4 daqiqa qolganida Shohnazar Norbekov hisobni tenglashtiruvchi gol muallifiga aylandi — 3:3.
Superliga. 14-tur. 19:00
"QO‘QON-1912" - "NEFTCHI" - 3:3
Gol: Anvar Xojimirzayev(55), Andrey Sidorov(57), Shohnazar Norbekov(86) - Shahzodbek Ubaydullayev (10 pen), Lutfulla To‘rayev (76), Sunnatillo Abdullajonov(79)
“Qo‘qon-1912”: 21.Islom Abdullayev, 7.Jamshid Xasanov, 8.San’at Shixov, 10.Javohir Sidiqov, 11.SHohnazar Norbekov, 14.Avaazxon Mamatxo‘jayev, 15.Oybek Rustamov, 17.Quvondiq Ro‘ziyev, 33.Ivan Yosovich, 70.Bilolxon Toshmirzayev, 77, Murod Xolmuhammedov(s)
Zaxira: 1.Muzaffar Abdullayev, 4.Ilxomjon Vahobov, 5.Slavko Lukich, 6.Dilshod Rahmatullayev, 9.Andrey Sidorov, 13.Sardorbek Azimov, 20.Murodjon Komilov, 22.Sardor Yetovqo‘ziyev, 27.Anvarjnon Xojimirzayev
“Neftchi”: 69.Evgeniy Konyuxov, 4.Andrey Mishenko, 6.Sirojiddin Qo‘ziyev, 7.Oybek Qilichev (s), 13.Lutfulla To‘rayev, 19.Mirzohid G‘ofurov, 20.Salamat Quttiboyev, 26.Oleksey Larin, 46.SHahzodbek Ubadyllayev, 70.Abbosjon G‘ulomov.
Zaxira: 45.Akbar To‘rayev, 9.Sunatillo Abdullajonov, 11.Izzatilla Abdullayev, 17.Abdulloh Olimov, 21.Muhsin Ubaydullayev, 22.Umar Adhamzoda, 31.Nodirxon Ne’matxonov, 44.Darko Stanoyevich, 77.Abrorbek Ismoilov
Hakamlar: Temur To‘xtasinov, Anvar Marajabov, Ziyodulla Abdurahmonov, Lochin Dolimov
VAR hakami: Asker Najafaliyev
Nazoratchi: Ma’mur Saidqosimov
Komissar: Shohruh Said
