Jurnalist Fabrisio Romanoning xabar berishicha, "Chelsi" "Brayton" himoyachisi Mark Kukurelya uchun 50 million funt sterlingdan ko‘proq taklif qilgan.

Manbaga ko‘ra, "chag‘alaylar" hozircha London klubi taklifiga rasmiy javob berishmagan.

Qayd etilishicha, klublar o‘rtasidagi muzokaralar davomida himoyachi Levi Kolvillning "Brayton"ga o‘tishi ham muhokama qilingan.

Qolaversa, tomonlar rozi bo‘lsa, 19 yoshli angliyalik uchun kelishuv alohida transfer sifatida rasmiylashtiriladi.

24 yoshli ispaniyalik o‘tgan mavsumda “Brayton” safida barcha turnirlarda 39 ta o‘yinda maydonga tushib, 1 ta gol urdi va 2 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo‘ljallangan.