Журналист Фабрицио Романонинг хабар беришича, "Челси" "Брайтон" ҳимоячиси Марк Кукурелья учун 50 миллион фунт стерлингдан кўпроқ таклиф қилган.
Манбага кўра, "чағалайлар" ҳозирча Лондон клуби таклифига расмий жавоб беришмаган.
Қайд этилишича, клублар ўртасидаги музокаралар давомида ҳимоячи Леви Колвиллнинг "Брайтон"га ўтиши ҳам муҳокама қилинган.
Қолаверса, томонлар рози бўлса, 19 ёшли англиялик учун келишув алоҳида трансфер сифатида расмийлаштирилади.
24 ёшли испаниялик ўтган мавсумда “Брайтон” сафида барча турнирларда 39 та ўйинда майдонга тушиб, 1 та гол урди ва 2 та голли узатмани амалга оширди. Унинг клуб билан шартномаси 2026 йилнинг 30 июнига қадар мўлжалланган.
