"Yuventus" "Sassuolo" va Italiya termasi hujumchisi Jakomo Raspadori uchun kurashga kirishdi, deb xabar beradi Il Giornale.

Manbaning xabariga ko‘ra, Turin klubi yozgi transfer oynasida futbolchini sotib olish variantini ko‘rib chiqmoqda. Avvalroq, hujumchi 25 million yevro evaziga "Napoli"ga o‘tishga yaqin ekani haqida xabarlar tarqalgan edi.

22 yoshli Raspadori o‘tgan mavsumda "Sassuolo" safida barcha turnirlarda 38 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.