"Inter"da to‘p surayotgan niderlandiyalik himoyachi Denzel Dyumfris Angliya Premyer-Ligasiga o‘tishni istamoqda. Bu haqda La Repubblica nashri xabar bermoqda.

Himoyachi Londonning "Chelsi" jamoasiga o‘tmoqchi. O‘z navbatida uning xizmatlariga “ko‘klar” ham qiziqish bildirmoqda va yaqin kunlarda “neradzurrilar” bilan muzokara olib borishadi.

26 yoshli futbolchi 25 million yevroga baholangan va uning Italiya klubi bilan amaldagi shartnomasi 2025 yilda yakuniga yetadi.

Himoyachi o‘tgan mavsum A Seriyada 33 ta o‘yinda maydonga tushib, 5 ta gol urdi va 4 ta golli uzatmaga mualliflik qilgan.