"Интер"да тўп сураётган нидерландиялик ҳимоячи Дензел Дюмфрис Англия Премьер-Лигасига ўтишни истамоқда. Бу ҳақда La Repubblica нашри хабар бермоқда.
Ҳимоячи Лондоннинг "Челси" жамоасига ўтмоқчи. Ўз навбатида унинг хизматларига “кўклар” ҳам қизиқиш билдирмоқда ва яқин кунларда “нерадзуррилар” билан музокара олиб боришади.
26 ёшли футболчи 25 миллион еврога баҳоланган ва унинг Италия клуби билан амалдаги шартномаси 2025 йилда якунига етади.
Ҳимоячи ўтган мавсум А Серияда 33 та ўйинда майдонга тушиб, 5 та гол урди ва 4 та голли узатмага муаллифлик қилган.
