"Chelsi" "Lester" markaziy himoyachisi Uesli Fofanni sotib olmoqchi. Jurnalist Fabrisio Romanoning so‘zlariga ko‘ra, “ko‘klar” 70 million yevrolik rad etilgan taklifdan so‘ng, yangi shartlar bilan taklif yuborish niyatida.
Fofananing o‘zi rahbariyatni uni sotishga undamoqda, biroq ayni paytda "Lester" haligacha fransiyalik futbolchi bilan xayrlashishga rozi bo‘lmagan. Muzokaralar juda qiyin kechmoqda, ammo "tulkilar" taslim bo‘lib, futbolchini 80 million yevro miqdoridagi summaga qo‘yib yuborishga rozi bo‘lishlari mumkin.
Eslatib o‘tamiz, Fofana oyog‘i singanligi sababli o‘tgan mavsumning asosiy qismini o‘tkazib yuborgandi. Biroq futbolchi allaqachon tuzalib bo‘lgan va asosiy tarkibdagi o‘rniga ega bo‘lgan.
