"Челси" "Лестер" марказий ҳимоячиси Уэсли Фофанни сотиб олмоқчи. Журналист Фабрицио Романонинг сўзларига кўра, “кўклар” 70 миллион евролик рад этилган таклифдан сўнг, янги шартлар билан таклиф юбориш ниятида.
Фофананинг ўзи раҳбариятни уни сотишга ундамоқда, бироқ айни пайтда "Лестер" ҳалигача франциялик футболчи билан хайрлашишга рози бўлмаган. Музокаралар жуда қийин кечмоқда, аммо "тулкилар" таслим бўлиб, футболчини 80 миллион евро миқдоридаги суммага қўйиб юборишга рози бўлишлари мумкин.
Эслатиб ўтамиз, Фофана оёғи синганлиги сабабли ўтган мавсумнинг асосий қисмини ўтказиб юборганди. Бироқ футболчи аллақачон тузалиб бўлган ва асосий таркибдаги ўрнига эга бўлган.
