"Chelsi"ning yangi futbolchisi Mark Kukurelya London klubiga o‘tganidan so‘ng o‘z his-tuyg‘ulari bilan o‘rtoqlashdi.
“Men haqiqatan ham baxtliman! Bu men uchun dunyodagi eng yaxshi klublardan biriga qo‘shilish uchun ajoyib imkoniyat. Men klubda baxtli bo‘lish va jamoaga foyda keltirish uchun bor kuchim bilan harakat qilaman", - deya futbolchining so‘zlaridan iqtibos keltiradi "ko‘klar" matbuot xizmati.
24 yoshli ispaniyalik bilan kelishuv 2028 yilning yoziga qadar mo‘ljallangan. Transfermarkt kelishuv qiymatini 65,3 million yevroga baholagan.
Kukurelya o‘tgan mavsumda “Brayton” safida 39 ta o‘yinda maydonga tushib, 1 ta gol urdi va 2 ta golli uzatmani amalga oshirdi.
