"Челси"нинг янги футболчиси Марк Кукурелья Лондон клубига ўтганидан сўнг ўз ҳис-туйғулари билан ўртоқлашди.
“Мен ҳақиқатан ҳам бахтлиман! Бу мен учун дунёдаги энг яхши клублардан бирига қўшилиш учун ажойиб имконият. Мен клубда бахтли бўлиш ва жамоага фойда келтириш учун бор кучим билан ҳаракат қиламан", - дея футболчининг сўзларидан иқтибос келтиради "кўклар" матбуот хизмати.
24 ёшли испаниялик билан келишув 2028 йилнинг ёзига қадар мўлжалланган. Transfermarkt келишув қийматини 65,3 миллион еврога баҳолаган.
Кукурелья ўтган мавсумда “Брайтон” сафида 39 та ўйинда майдонга тушиб, 1 та гол урди ва 2 та голли узатмани амалга оширди.
