Hindistonning Chennay shahrida Butunjahon shaxmat olimpiadasining 8-tur o‘yinlari kecha bo‘lib o‘tdi. 7-tur doirasida o‘tkazilgan AQSH va Armaniston o‘rtasidagi to‘qnashuvda kutilmagan vaziyat yuz berdi.

Ushbu mamlakatlarning dastlabki 3ta shaxmatchilari o‘rtasidagi o‘yinlardan so‘ng amerikaliklar 2:1 hisobida oldinga o‘tib olishgan edi. Sem Shenklend va Robert Ovannisyan o‘rtasidagi bahsda durang qayd etilsa ham, amerikaliklar ushbu to‘qnashuvni o‘z foydalariga hal etishar edi.

O‘yin so‘ngida arman sportchisi kichik ustunlikka ega bo‘ldi, ammo Sem durangni saqlab qolish uchun kurashayotgandi.

Shenklend vaqt tanqisligiga duch kelgani bois, kutilmagan xatoga yo‘l qo‘ydi. U raqibning navbatdagi shoh berishidan qochish maqsadida b1 katakda turgan shohini s2 katakka surdi. Biroq ikkinchi qatorda — g2 katakda Ovannisyanning farzini turgan edi. Shu bois, AQSHlik shaxmatchi bunday yurishi mumkin emasdi. Sem xatosini tushunib qoldi va hali soatni bosmagani uchun xatoni to‘g‘rilash imkoni bor edi. Faqat u shohnigina yurish huquqiga ega edi. Boisi, "figurani ushladingmi, o‘shani yurishing shart qoidasi" shaxmatda bor. Oq shohda esa faqatgina s1 xonasiga yurish imkoniyati bor edi xolos. Bu esa Shenklendni muqarrar mag‘lubiyatga olib borar edi. Amerikalik sportchi biroz o‘ylab ko‘rgach, taslim bo‘lishga qaror qildi va jahl bilan o‘yin zalini tark etdi.

Ushbu durang Armanistonni peshqadam sifatida saqlab qoldi. Aks holda jamoa ayni paytda 3-o‘rinda borayotgan bo‘lar edi. O‘zbekiston esa 2-o‘rinni egallab turgan bo‘lardi.

Eslatib o‘tamiz, O‘zbekiston bugun Armaniston bilan 9-tur bahsini o‘tkazadi.