"Bolonya" klubi sport direktori Jovanni Sartori SE nashriga bergan intervyusida Eldor Shomurodovning ijara asosida klubga o‘tishi mumkinligi haqidagi ma’lumotlarga munosabat bildirdi.
"Yo‘q, Shomurodovning "Bolonya"ga 10 million yevro sotib olish huquqi bilan ijaraga o‘tishi haqidagi ma’lumotlar haqiqatga to‘g‘ri kelmaydi", - dedi Sartori SE nashriga.
O‘zbekistonlik hujumchi o‘tgan yilning avgust oyida “Jenoa”dan 18 million yevro evaziga “Roma”ga o‘tgan edi. 2021/22 yilgi mavsumda hujumchi klub safida 39 ta o‘yinda maydonga tushib, 5 ta gol urdi va 6 ta golli uzatmani amalga oshirdi.
Shomurodovning “Roma” bilan shartnomasi 2026 yilning iyunigacha amal qiladi.