"Болонья" клуби спорт директори Жованни Сартори СЭ нашрига берган интервьюсида Элдор Шомуродовнинг ижара асосида клубга ўтиши мумкинлиги ҳақидаги маълумотларга муносабат билдирди.
"Йўқ, Шомуродовнинг "Болонья"га 10 миллион евро сотиб олиш ҳуқуқи билан ижарага ўтиши ҳақидаги маълумотлар ҳақиқатга тўғри келмайди", - деди Сартори СЭ нашрига.
Ўзбекистонлик ҳужумчи ўтган йилнинг август ойида “Женоа”дан 18 миллион евро эвазига “Рома”га ўтган эди. 2021/22 йилги мавсумда ҳужумчи клуб сафида 39 та ўйинда майдонга тушиб, 5 та гол урди ва 6 та голли узатмани амалга оширди.
Шомуродовнинг “Рома” билан шартномаси 2026 йилнинг июнигача амал қилади.