Myunxenning “Bavariya” klubi hujumchisi Leroy Sane Angliyaga qaytishi mumkin. "Manchester Siti"ning sobiq hujumchisiga "Manchester Yunayted" qiziqish bildirmoqda, u allaqachon nemis klubi rahbariyatidan transfer haqida ma’lumot so‘ragan. Bu haqda Mirror nashri xabar bermoqda.
Manbaga ko‘ra, mankunianliklar bosh murabbiyi Erik ten Xag o‘z jamoasining hujumdagi imkoniyatlarini kuchaytirishdan manfaatdor.
26 yoshli Sane 2016 yildan 2020 yilgacha "Manchester Siti" futbolchisi bo‘lgan. Jamoa bilan birgalikda germaniyalik futbolchi yettita sovrinni qo‘lga kiritdi, jumladan, ikkita Angliya chempionligi.
Germaniyada Sane o‘zi tarbiyalanuvchisi bo‘lgan "Shalke 04" jamoasida o‘ynagan. "Bavariya" bilan Leroy allaqachon oltita sovrin, jumladan UEFA Superkubogi va klublar o‘rtasidagi jahon chempionatini qo‘lga kiritgan.