Мюнхеннинг “Бавария” клуби ҳужумчиси Лерой Сане Англияга қайтиши мумкин. "Манчестер Сити"нинг собиқ ҳужумчисига "Манчестер Юнайтед" қизиқиш билдирмоқда, у аллақачон немис клуби раҳбариятидан трансфер ҳақида маълумот сўраган. Бу ҳақда Mirror нашри хабар бермоқда.
Манбага кўра, манкунианликлар бош мураббийи Эрик тен Хаг ўз жамоасининг ҳужумдаги имкониятларини кучайтиришдан манфаатдор.
26 ёшли Сане 2016 йилдан 2020 йилгача "Манчестер Сити" футболчиси бўлган. Жамоа билан биргаликда германиялик футболчи еттита совринни қўлга киритди, жумладан, иккита Англия чемпионлиги.
Германияда Сане ўзи тарбияланувчиси бўлган "Шальке 04" жамоасида ўйнаган. "Бавария" билан Лерой аллақачон олтита соврин, жумладан УЕФА Суперкубоги ва клублар ўртасидаги жаҳон чемпионатини қўлга киритган.