"Ayntraxt" yarim himoyachisi Filip Kostich "Yuventus"ga o‘tishga yaqin turibdi, deya xabar beradi insayder Nikolo Skira.
Futbolchining o‘zi allaqachon Turin klubi bilan shaxsiy shartnoma shartlari bo‘yicha kelishuvga ega - 2025 yilgacha shartnoma, yiliga 2,7 million yevro maosh va bonuslar.
29 yoshli serb nemis klubi rahbariyatiga endi jamoada o‘ynash niyati yo‘qligini ma’lum qilgan va transfer tezroq yakunlanishini talab qilmoqda.
O‘tgan mavsumda Kostich "Ayntraxt" safida barcha turnirlarda 42 o‘yinda 7 gol va 15 golga assistentlik qilgan. Uning klub bilan shartnomasi 2023 yilning 30 iyuniga qadar amal qiladi.













