"Valensiya" hujumchisi Gonsalu Gedesh "Vulverxempton"ga o‘tishga yaqin turibdi, deya xabar beradi jurnalist Fabrisio Romano.

Manba bergan xabarga ko‘ra, ingliz klubi shu haftada 25 yoshli portugaliyalikni tibbiy ko‘rikdan o‘tkazishga hozirlik ko‘rmoqda. "Bo‘rilar" futbolchi uchun 30 million yevro va bonuslar to‘laydi.

Gedesh o‘tgan mavsumda barcha musobaqalarda 42 ta o‘yinda maydonga tushib, 13 ta gol urdi va 6 ta golli uzatmani amalga oshirdi. Transfermarkt portali hujumchini 40 million yevroga baholamoqda.