Madridning “Atletiko” klubi hujumchisi Alvaro Morata “Yuventus”ga qarshi o‘rtoqlik o‘yinidagi yirik g‘alaba (4:0) haqida fikr bildirdi. Italiya klubi bilan o‘yinda ispaniyalik hujumchi xet-trik qayd etdi.
"Biz mavsum boshlanishiga tayyormiz", - deb yozdi Morata ijtimoiy tarmoqda.
2021/22 yilgi mavsumda 29 yoshli hujumchi “Yuventus” safida 48 ta o‘yinda maydonga tushib, 12 ta gol urdi va 9 ta golli uzatmani amalga oshirdi. Hujumchi Turin klubida ijara asosida o‘ynadi.
Ispaniya chempionatining birinchi turida “Atletiko” 15 avgust kuni safarda “Xetafe” mexmoni bo‘ladi.
