Мадриднинг “Атлетико” клуби ҳужумчиси Альваро Мората “Ювентус”га қарши ўртоқлик ўйинидаги йирик ғалаба (4:0) ҳақида фикр билдирди. Италия клуби билан ўйинда испаниялик ҳужумчи хет-трик қайд этди.
"Биз мавсум бошланишига тайёрмиз", - деб ёзди Мората ижтимоий тармоқда.
2021/22 йилги мавсумда 29 ёшли ҳужумчи “Ювентус” сафида 48 та ўйинда майдонга тушиб, 12 та гол урди ва 9 та голли узатмани амалга оширди. Ҳужумчи Турин клубида ижара асосида ўйнади.
Испания чемпионатининг биринчи турида “Атлетико” 15 август куни сафарда “Хетафе” мехмони бўлади.
