Xosep Gvardiola nega bu yoz "Manchester Siti" tarkibini yangilash uchun eng yaxshi vaqt bo‘ldi, degan savolga javob berdi.

"Men har doim besh-olti yillik birga ishlagandan so‘ng, biz nimanidir o‘zgartirishimiz kerak deb o‘yladim. Ehtimol murabbiyni yoki bir nechta o‘yinchilarni o‘zgartirishimiz kerak. Lekin shu bilan birga shuni aytishim mumkinki, bizni tark etgan Gabriel Jezus, Raxim Sterling, Aleksandr Zinchenko, Fernandinyolar biz bilan birga sovrinlarni yutishda davom etishni xohlashgandi. Men ularni bilaman.

Ammo, shu bilan birga, ba’zida tarkibni yangilash uchun o‘zgartirish foydali bo‘ladi. Yangi o‘yinchilar yangi kuch, yangi imkoniyatlar olib kelishi normal holat. Murabbiy sifatida men doim o‘zim ishlayotgan jamoalarimni yaxshiroq qilish uchun harakat qilaman.

Agar mana shu to‘rt nafar futbolchi hali ham shu yerda bo‘lganida, menimcha, biz muvaffaqiyatga intilayotgan jamoa bo‘lardik. Ammo ular ketishdi va hozir biz yangi kelgan futbolchilarga ko‘nishimiz hamda jamoadan ketgan futbolchilarga eng yaxshi tilaklarni tilashimiz kerak. Chunki ularning barchasi bunga loyiqdir" - dedi Gvardiola.