Хосеп Гвардиола нега бу ёз "Манчестер Сити" таркибини янгилаш учун энг яхши вақт бўлди, деган саволга жавоб берди.
"Мен ҳар доим беш-олти йиллик бирга ишлагандан сўнг, биз ниманидир ўзгартиришимиз керак деб ўйладим. Эҳтимол мураббийни ёки бир нечта ўйинчиларни ўзгартиришимиз керак. Лекин шу билан бирга шуни айтишим мумкинки, бизни тарк этган Габриэль Жезус, Рахим Стерлинг, Александр Зинченко, Фернандиньолар биз билан бирга совринларни ютишда давом этишни хоҳлашганди. Мен уларни биламан.
Аммо, шу билан бирга, баъзида таркибни янгилаш учун ўзгартириш фойдали бўлади. Янги ўйинчилар янги куч, янги имкониятлар олиб келиши нормал ҳолат. Мураббий сифатида мен доим ўзим ишлаётган жамоаларимни яхшироқ қилиш учун ҳаракат қиламан.
Агар мана шу тўрт нафар футболчи ҳали ҳам шу ерда бўлганида, менимча, биз муваффақиятга интилаётган жамоа бўлардик. Аммо улар кетишди ва ҳозир биз янги келган футболчиларга кўнишимиз ҳамда жамоадан кетган футболчиларга энг яхши тилакларни тилашимиз керак. Чунки уларнинг барчаси бунга лойиқдир" - деди Гвардиола.