Angliyaning "Manchester Yunayted" klubi "Lasio" yarim himoyachisi Sergey Milinkovich-Savichni sotib olmoqchi.
Man Utd Today tvitter sahifasining xabariga ko‘ra, "qizil iblislar" rahbariyati hozirda Savichning atrofidagilar bilan taxminiy transferni muhokama qilmoqda. Yaqin orada ular "Lasio" bilan rasmiy muzokaralarga kirishadi.
27 yoshli serbiyalik yarim himoyachining transferidan rimliklar 70-80 million yevro ishlab olmoqchi. Uning shartnomasi 2024 yilgacha mo‘ljallangan.
Avvalroq "Man Yunayted" "Yuventus"dan Adriyen Rabyoni o‘z safiga qo‘shib olishga yaqin turgani xabar qilingandi.