Англиянинг "Манчестер Юнайтед" клуби "Лацио" ярим ҳимоячиси Сергей Милинкович-Савични сотиб олмоқчи.
Man Utd Today твиттер саҳифасининг хабарига кўра, "қизил иблислар" раҳбарияти ҳозирда Савичнинг атрофидагилар билан тахминий трансферни муҳокама қилмоқда. Яқин орада улар "Лацио" билан расмий музокараларга киришади.
27 ёшли сербиялик ярим ҳимоячининг трансферидан римликлар 70-80 миллион евро ишлаб олмоқчи. Унинг шартномаси 2024 йилгача мўлжалланган.
Аввалроқ "Ман Юнайтед" "Ювентус"дан Адриен Рабьони ўз сафига қўшиб олишга яқин тургани хабар қилинганди.