"Milan" yarim himoyachisi Sandro Tonali faoliyatini Angliya premyer-ligasida davom ettirishi mumkin. Calciomercato xabariga ko‘ra, Londonning "Arsenal" klubi rahbariyati "rossoneri" vakillari bilan uchrashuv o‘tkazgan va unda italiyalikning ehtimoliy transferi muhokama qilingan.
Manba bergan xabarga ko‘ra, milanliklar futbolchi sotilmasligini aniq ma’lum qilgan, ammo "Arsenal" italiyalikni qo‘lga kiritish uchun harakatni to‘xtatmoqchi emas. “Kanonirlar” 55 million yevrolik taklif “rossoneri” rahbariyatini fikrini o‘zgartirishga majbur qilishi mumkinligiga ishonch bildirmoqda.
Eslatib o‘tamiz, o‘tgan mavsumda Tonali "Milan" bilan Italiya chempionligini qo‘lga kiritgandi. 36 uchrashuvda futbolchi 5 gol va 2 golga assistentlik qilgan.