"Милан" ярим ҳимоячиси Сандро Тонали фаолиятини Англия премьер-лигасида давом эттириши мумкин. Calciomercato хабарига кўра, Лондоннинг "Арсенал" клуби раҳбарияти "россонери" вакиллари билан учрашув ўтказган ва унда италияликнинг эҳтимолий трансфери муҳокама қилинган.
Манба берган хабарга кўра, миланликлар футболчи сотилмаслигини аниқ маълум қилган, аммо "Арсенал" италияликни қўлга киритиш учун ҳаракатни тўхтатмоқчи эмас. “Канонирлар” 55 миллион евролик таклиф “россонери” раҳбариятини фикрини ўзгартиришга мажбур қилиши мумкинлигига ишонч билдирмоқда.
Эслатиб ўтамиз, ўтган мавсумда Тонали "Милан" билан Италия чемпионлигини қўлга киритганди. 36 учрашувда футболчи 5 гол ва 2 голга ассистентлик қилган.
