"Barselona" yarim himoyachisi Frenki de Yong yaqin 48 soat ichida kelajagi haqida bir qarorga kelishi kerak. Bu haqda jurnalist Ben Jeykobs ijtimoiy tarmoqlarida xabar berdi.

Manbaga ko‘ra, niderlandiyalik futbolchi yo maoshini kamaytirishga rozi bo‘lishi yoki boshqa jamoaga o‘tishi kerak.

Eslatib o‘tamiz, "Manchester Yunayted" futbolchi uchun kurashda poygani tark etganidan so‘ng, de Yongga faqat Londonning "Chelsi" jamoasi da’vogar bo‘lib turibdi.

De Yongning o‘zi ham "Barselona"da qolishni istardi, ammo rahbariyat bilan kelishmovchilik futbolchini fikrini o‘zgartirishga majbur qilishi mumkin.

Frenki o‘tgan mavsumda La Ligada 3 ta gol urdi va 3 ta golli uzatmani amalga oshirdi.