"Барселона" ярим ҳимоячиси Френки де Йонг яқин 48 соат ичида келажаги ҳақида бир қарорга келиши керак. Бу ҳақда журналист Бен Жейкобс ижтимоий тармоқларида хабар берди.
Манбага кўра, нидерландиялик футболчи ё маошини камайтиришга рози бўлиши ёки бошқа жамоага ўтиши керак.
Эслатиб ўтамиз, "Манчестер Юнайтед" футболчи учун курашда пойгани тарк этганидан сўнг, де Йонгга фақат Лондоннинг "Челси" жамоаси даъвогар бўлиб турибди.
Де Йонгнинг ўзи ҳам "Барселона"да қолишни истарди, аммо раҳбарият билан келишмовчилик футболчини фикрини ўзгартиришга мажбур қилиши мумкин.
Френки ўтган мавсумда Ла Лигада 3 та гол урди ва 3 та голли узатмани амалга оширди.
