"Lasio" va Italiya terma jamoasi sobiq futbolchisi Paolo di Kanio A Seriyaning yangi mavsumi uchun o‘z taxminlari bilan o‘rtoqlashdi. Di Kanio chempionlik uchun asosiy kurash o‘tgan mavsumdagidek "Milan" va "Inter" o‘rtasida kechishiga ishonmoqda.
"Transfer bozoridagi voqealar baribir kuchlar muvozanatini o‘zgartirishi mumkinligiga ishonaman, ammo hozir men amaldagi chempion “Milan”ni favorit, “Inter”ni esa asosiy raqib sifatida ko‘rmoqdaman, faqat Shkrinyar tarkibda qolsa. Qolganlar klublarning hammasi ortda qolgani aniq", - dedi di Kanio Tuttosport bilan suhbatda.
Italiya chempionatining yangi mavsumi kelayotgan dam olish kunlari boshlanadi, “Milan” o‘z maydonida “Udineze” bilan kuch sinashadi.
