"Lester" himoyachi Uesli Fofanani qancha pul evaziga sotishga tayyorligi haqida bir qarorga keldi. 21 yoshli fransiyalik futbolchiga "Chelsi" qiziqish bildirmoqda.
Footmercato xabariga ko‘ra, "tulkilar" londonliklardan 95 million yevro so‘ramoqda. Bu hafta oxirida muzokaralar faollashishi kerak.
Oldinroq “Lester” bosh murabbiyi Brendan Rojers “Chelsi”ning so‘nggi ikki taklifi klubni qanoatlantirmaganini aytgandi.
Fofana o‘tgan mavsumda "Lester" safida 12 ta o‘yinda 1 ta gol urgan. Transfermarkt.com portali futbolchining narxini 40 million yevroga baholamoqda.