"Лестер" ҳимоячи Уэсли Фофанани қанча пул эвазига сотишга тайёрлиги ҳақида бир қарорга келди. 21 ёшли франциялик футболчига "Челси" қизиқиш билдирмоқда.
Footmercato хабарига кўра, "тулкилар" лондонликлардан 95 миллион евро сўрамоқда. Бу ҳафта охирида музокаралар фаоллашиши керак.
Олдинроқ “Лестер” бош мураббийи Брендан Рожерс “Челси”нинг сўнгги икки таклифи клубни қаноатлантирмаганини айтганди.
Фофана ўтган мавсумда "Лестер" сафида 12 та ўйинда 1 та гол урган. Transfermarkt.com портали футболчининг нархини 40 миллион еврога баҳоламоқда.
