"Yuventus" hujumchi Memfis Depay bilan shaxsiy shartnoma shartlarini amalda kelishib oldi. Jurnalist Fabrisio Romanoning xabar berishicha, tomonlar 2024-yilgacha shartnoma tuzadilar.
Biroq Turin klubi hali ham 28 yoshli hujumchining "Barselona" bilan amaldagi shartnomasini bekor qilishini kutmoqda. "Yuventus" Depayni tekinga o‘z safiga qo‘shib olmoqchi.
Depayning kataloniyaliklar bilan amaldagi shartnomasi 2023 yilning 30 iyuniga qadar tuzilgan.
Memfis o‘tgan mavsumda "Barselona" safida barcha turnirlarda 37 ta o‘yinda maydonga tushib, 13 ta gol urdi va 2 ta golga assistentlik qildi.
Eslatib o‘tamiz, Depay 2021 yilning yozida "Barsa"ga o‘tgan edi. U jamoaga erkin agent sifatida kelib qo‘shilgandi.
