"Atletiko" yarim himoyachisi Daniel Vass "Brondbyu" bilan shartnoma imzoladi, deb xabar beradi Daniya klubi rasmiy sayti.
33 yoshli daniyalik bilan kelishuv 2025 yilning yoziga qadar mo‘ljallangan. Transfermarkt portali kelishuvni 1,75 million yevroga baholagan.
Vass o‘tgan mavsum o‘rtasida "Valensiya"dan "Atletiko"ga o‘tgan edi. Yarim himoyachi jami 22 ta o‘yinda maydonga tushib, gol va golli uzatmani amalga oshirgan.