"Vilyarreal" bosh murabbiyi Unai Emeri Ispaniya chempionatining 1-turi doirasidagi "Valyadolid"ga qarshi o‘yindagi (3:0) yirik hisobdagi g‘alaba haqida fikr bildirdi.
“Biz o‘yinga katta ishtiyoq bilan kirdik. Gol o‘tkazib yubormaslik uchun sovuqqonlikni saqlashimiz kerak edi.
Ikkinchi bo‘limda yaxshiroq o‘ynay boshladik, o‘yin o‘zgardi. "Valyadolid" ko‘proq bo‘sh joy qoldira boshladi, biz bundan unumli foydalandik.
Natija juda katta bo‘ldi, ammo biz hisobni ishonchli qilish uchun samarali harakat qildik", - deydi Emeri.
