"Liverpul" bosh murabbiyi Yurgen Klopp jamoaning yozgi transfer oynasining qolgan qismidagi rejalari haqida gapirdi.
Uning ta’kidlashicha, klub hozircha hech kimni sotib olish niyatida emas.
“Raqiblar kuchayib boryapti? Bu bizni qiziqtirmaydi. Kimdir o‘yinchilarni sotib oladi, kimdir esa transfer kampaniyasini tugatdi. Buning bizga hech qanday aloqasi yo‘q. Biz kimni nima qilishi bilan ishimiz bo‘lmasligi kerak", - deya Kloppdan iqtibos keltiradi TalkSport.
Bugun, 15 avgust kuni “Liverpul” “Kristal Pelas” bilan o‘ynaydi. Bahs Toshkent vaqti bilan 23:59 da start oladi.
