"Barselona" Bernardu Silvani qo‘lga kiritish uchun o‘yinchilarini sotishi kerak bo‘ladi.
Avvalroq, "Manchester Siti" yarim himoyachi uchun 100 million yevro talab qilayotgani ma’lum bo‘lgandi.
Kerakli miqdordagi taklif uchun kataloniyaliklar kimnidir sotishi kerak, deya xabar beradi AS.
Birinchi variant - yarim himoyachi Frenki de Yongni taxminan 80 million yevroga "Chelsi" yoki "Manchester Yunayted"ga sotish.
Agar de Yongning sotuvi muvaffaqiyatsizlikka uchrasa, "Barsa" Pyer-Emerik Obameyang, Memfis Depay va Serjinyo Destni sotishga majbur bo‘ladi.