"Барселона" Бернарду Силвани қўлга киритиш учун ўйинчиларини сотиши керак бўлади.
Аввалроқ, "Манчестер Сити" ярим ҳимоячи учун 100 миллион евро талаб қилаётгани маълум бўлганди.
Керакли миқдордаги таклиф учун каталонияликлар кимнидир сотиши керак, дея хабар беради AS.
Биринчи вариант - ярим ҳимоячи Френки де Йонгни тахминан 80 миллион еврога "Челси" ёки "Манчестер Юнайтед"га сотиш.
Агар де Йонгнинг сотуви муваффақиятсизликка учраса, "Барса" Пьер-Эмерик Обамеянг, Мемфис Депай ва Сержиньо Дестни сотишга мажбур бўлади.