"Manchester Yunayted" bosh murabbiyi Erik ten Xag "Brentford"ga qarshi APLning 2-turi doirasida o‘tkazilgan uchrashuvning tanaffus paytida futbolchilarini tanqid qildi. The Sun nashrining yozishicha, niderlandiyalik murabbiy futbolchilarga ularning o‘yinlari “haqiqiy sharmandalik” ekanini aytgan.

Eslatib o‘tamiz, birinchi bo‘limdan so‘ng "Manchester Yunayted" mehmonda "Brentford"da 0:4 hisobida mag‘lub bo‘lgandi va o‘yin yakunigacha shu hisob o‘zgarmadi.

Angliya Premyer-ligasining navbatdagi turida “Manchester Yunayted” o‘z maydonida yangi mavsumdagi ikkita o‘yinning birortasida ham g‘alaba qozona olmagan “Liverpul” jamoasini qabul qiladi.