"Манчестер Юнайтед" бош мураббийи Эрик тен Хаг "Брентфорд"га қарши АПЛнинг 2-тури доирасида ўтказилган учрашувнинг танаффус пайтида футболчиларини танқид қилди. The Sun нашрининг ёзишича, нидерландиялик мураббий футболчиларга уларнинг ўйинлари “ҳақиқий шармандалик” эканини айтган.
Эслатиб ўтамиз, биринчи бўлимдан сўнг "Манчестер Юнайтед" меҳмонда "Брентфорд"да 0:4 ҳисобида мағлуб бўлганди ва ўйин якунигача шу ҳисоб ўзгармади.
Англия Премьер-лигасининг навбатдаги турида “Манчестер Юнайтед” ўз майдонида янги мавсумдаги иккита ўйиннинг бирортасида ҳам ғалаба қозона олмаган “Ливерпуль” жамоасини қабул қилади.
