Adriyen Rabyoning "Manchester Yunayted"ga transferi muvaffaqiyatsizlikka uchragani sababi ma’lum bo‘ldi.
Oldinroq mankunianliklar "Yuventus" yarim himoyachisining moliyaviy so‘rovlarini aqldan ozgan deb hisoblashi, bu esa muzokaralarning to‘xtatilishiga sabab bo‘lgani ma’lum bo‘lgandi.
The Times nashrining yozishicha, Rabyo klubda haftasiga 200 000 funt sterlingdan ko‘proq maosh olmoqchi edi. "Qizil iblislar" safida Brunu Fernandesh shunday maosh oladi.
"Manchester Yunayted" fransuzni jamoaning eng ko‘p maosh oluvchi futbolchilaridan biriga aylantirishga tayyor edi, biroq Adriyenning onasi va agenti Veronika Rabyo ingliz klubi taklifidan ham ko‘proq narsani talab qildi.
"Yunayted" endi "Yuventus" bilan kelishilgan 15 million funtlik transferga qaramay, shartnomani amalda buzilgan deb hisoblamoqda.
