Адриен Рабьонинг "Манчестер Юнайтед"га трансфери муваффақиятсизликка учрагани сабаби маълум бўлди.
Олдинроқ манкунианликлар "Ювентус" ярим ҳимоячисининг молиявий сўровларини ақлдан озган деб ҳисоблаши, бу эса музокараларнинг тўхтатилишига сабаб бўлгани маълум бўлганди.
The Times нашрининг ёзишича, Рабьо клубда ҳафтасига 200 000 фунт стерлингдан кўпроқ маош олмоқчи эди. "Қизил иблислар" сафида Бруну Фернандеш шундай маош олади.
"Манчестер Юнайтед" французни жамоанинг энг кўп маош олувчи футболчиларидан бирига айлантиришга тайёр эди, бироқ Адриеннинг онаси ва агенти Вероника Рабьо инглиз клуби таклифидан ҳам кўпроқ нарсани талаб қилди.
"Юнайтед" энди "Ювентус" билан келишилган 15 миллион фунтлик трансферга қарамай, шартномани амалда бузилган деб ҳисобламоқда.