"Barselona"ning sobiq futbolchisi Gari Linekerning fikricha, Kataloniya klubi yarim himoyachi Frenki de Yongga go‘sht bo‘lagidek munosabatda bo‘lmoqda.
“Men Frenkiga hamdardman. O‘ziga bog‘liq bo‘lmagan holatlar tufayli unga go‘sht bo‘lagidek munosabatda bo‘lishmoqda. U iqtidorli yosh futbolchi va u uchun o‘zi istamagan joyga bormaslik juda muhim. Shu munosabat bilan uning qo‘lida barcha kartalar bor. Bu juda g‘alati”, - deya Lineker so‘zlaridan iqtibos keltirgan Metro.
Avvalroq kataloniyaliklar 25 yoshli yarim himoyachidan maoshini 50 foizga kamaytirishni yoki klubni tark etishini talab qilayotgani xabar qilingandi.
De Yong o‘tgan mavsumda kataloniyaliklar safida barcha turnirlarda 46 o‘yinda 4 ta gol urdi va 5 ta golli uzatmani amalga oshirdi. Niderlandiyalik futbolchining klub bilan shartnomasi 2026 yilning 30 iyuniga qadar amal qiladi.
