"Барселона"нинг собиқ футболчиси Гари Линекернинг фикрича, Каталония клуби ярим ҳимоячи Френки де Йонгга гўшт бўлагидек муносабатда бўлмоқда.

“Мен Френкига ҳамдардман. Ўзига боғлиқ бўлмаган ҳолатлар туфайли унга гўшт бўлагидек муносабатда бўлишмоқда. У иқтидорли ёш футболчи ва у учун ўзи истамаган жойга бормаслик жуда муҳим. Шу муносабат билан унинг қўлида барча карталар бор. Бу жуда ғалати”, - дея Линекер сўзларидан иқтибос келтирган Metro.

Аввалроқ каталонияликлар 25 ёшли ярим ҳимоячидан маошини 50 фоизга камайтиришни ёки клубни тарк этишини талаб қилаётгани хабар қилинганди.

Де Йонг ўтган мавсумда каталонияликлар сафида барча турнирларда 46 ўйинда 4 та гол урди ва 5 та голли узатмани амалга оширди. Нидерландиялик футболчининг клуб билан шартномаси 2026 йилнинг 30 июнига қадар амал қилади.